打油詩

打油詩1 =]

積積復積積，
唔識就唔識，
測驗夠刺激，
居然無題識，
上堂聽唔識，
搗亂多款式，
自修一樣識，
睬佢都生積，
午膳食下飯，
噴飯是奇蹟，
小息去打波，
波餅向面擊，
到響上堂鐘，
秩序又唔識，
老師話放學，
立刻飛奔即。

打油詩2 [=

日日返學愁更愁，
老師講野無離頭，
我就聽到似夢游，
次次批評無理由，
功課多到似報仇，
做野做到似撈頭，
課外活動無睇頭，
冇得去玩悶過頭。
校花校草出風頭，
永無我份冇理由。
老師真係老過頭，
講書內容好陳舊。
擦鞋擦到似隻狗，
放學齊齊去跳樓。
溫書考試為出頭，
派成績表縐眉頭。
滿江紅兼操行差，
對住阿媽喊晒口。
為求阿媽收下手，
打到塊面變豬頭。
返學放學冇時休，
讀多幾年變白頭...

打油詩3 =]

返學九個月，
怨聲已不絕：
晨早六點九，
趕住著衫走：
路口等小巴，
車費又再加：
行到校門口，
仲有幾層樓：
返到班房內，
竟然冇人在：
聽到人示愛，
遲到又要再：
今日第一堂，
學生已發狂：
漏帶一本書，
九族都要誅：
科學孖連擊，
難到你唔識：
跟住中文堂，
擦鞋仔最忙：
最後英文科，
變晒做睡魔：
返學等放學，
放學飲可樂；
打鐘各自飛，
咁就又一day.

打油詩1原本個首詩我地中文書都有呀!
原本係木蘭辭

XDXD好詩好詩~

哈哈哈!笑死我la!!