一年前我有位朋友搵工。佢搵文職, 只求返工快、近屋企 (九龍區), 朝九晚六就得... 騎牛搵馬冇打算長做, 要求唔高。
佢上求職網搵, 驟眼睇落份份差唔多, 唯獨一份佢打電話去。廣告非常奇怪 - 新蒲崗工廠區招倉務文員, 冇電子郵件、傳真, 只有一個地址同電話號碼... 3字頭 仲係7個位的 "吓... 依家仲有咁嘅電話嘅... 玩吓先... " 3XX XXXX... 佢試吓會打左去邊。
"喂...!" 係把略帶低沈中年嘅男子聲音。 "你好呀! 請... 請問, 係咪請文員?"..."係呀, 你咩學歷架? 中文程度如何?"..."中五嘅, 中文都唔錯啦, 可以上唻見嗎?"..."中五? 都幾好喎 好啦... 你就聽朝唻吖!" 跟住講左個地址, 新蒲崗某工廈3/F... "中五都叫好 咩工唻? 去唔去好呢? " 未搵到工, 又好近屋企, 佢最終決定去睇吓!
佢照地址搵到一製衣廠。 一按鐘, 一位中年男子出唻應門, 可能就係電話果個。
" 你唻見工嘅…? 請進...!" 一步入佢已經覺得好奇怪, 電話係好耐之前手撥果D 有人用緊打字機, 又一部電腦都見唔到 而且佢留意到D人, 裝束唔似現代, 個個目無表情, 好似見佢唔到。
個男人一路帶佢行, 好不容易到左一間房... "你等我一陣, 我攞份表你填, 轉頭唻同你傾, 你可以準備一下..." 講野講得好慢, 腔口又唔似現代人, 但冇其他異樣...
佢一邊等, 一邊見到出面D人做野嘅情況, 可以坐係度幾分鐘完全唔郁, 同一個姿勢、表情…
佢等左好耐個男人都未返唻, 開始覺得唔對路, 靈機一動, 馬上沿入房果條路衡去大門 門冇上鎖, 佢一個箭步就衝左出去, 電梯都唔敢再等, 馬上跑樓梯落地下…
到左地下, 看更見狀, 可能以為佢偷野, 馬上截住佢 佢就一五一十同個看更講。 "點會呀… 三字樓果個單位 我未唻做之前都一直空置左喎… 你搵左去邊呀?”
個看更話陪佢一齊行, 佢先夠膽再上去。佢好肯定去番同一位置, 一見只係吉鋪位一個 之後個看更要都要證明佢冇偷野先放佢走! 佢返屋企上網睇, 呢份工個廣告已經冇左。個電話仲係度, 但打死佢都唔敢再打 我朋友後來都冇咩異樣, 求安心佢去問過有識之士, 話呢D係時空轉移 佢好大可能係去返廿幾三十年前當時嘅果間公司。
D人唔係害佢, 而係當時嘅空間接通左依家。一切出於偶然性, 兩個空間嘅連接一旦中斷, 唔知幾時再接得番, 可能以後都接唔到都唔定… 情況好似兩個冇關係嘅人, 可能一世冇機會撞一次；又可能今次撞到, 以後冇機會再見咁... 好左佢當時走得快, 走唔切就可能永遠留係幾十年前, 返唔到唻 Interview想避免去到不知名嘅地方, 問人...
COPY於:http://www.discuss.com.hk/viewthread.php?tid=13150659&extra=page%3D1( 香港討論區)
周二 10月 05, 2010 8:45 pm
